پاکستان کے سابق کرکٹر ارشد پرویز انتقال کرگئے، پی سی بی کا اظہار افسوس

پاکستان کے سابق عالمی کرکٹر ارشد پرویز 71 برس کی عمر میں انتقال کرگئے، ان کی وفات پرپاکستان کرکٹ بورڈ نے وفات پر گہرے دکھ کا اظہار کیا ہے۔
 ارشدپرویز نے 2 ون ڈے انٹرنیشنل میچز میں پاکستان کی نمائندگی کی تھی جس میں 11 رنز بنائے،جبکہ انہوں نے 248 فرسٹ کلاس میچز میں 14986 بنائے، ان کا بہترین اسکور 253 رنز ناٹ آؤٹ تھا، انہوں نے 39 سنچریاں اور 65 نصف سنچریاں بھی اسکور کیں جبکہ 63 لسٹ اے میچز میں 2 سنچریوں اور 9 نصف سنچریوں کی بدولت 1560 رنز بنائے۔
 پاکستان کرکٹ بورڈ نے سابق بین الاقوامی کرکٹر کی وفات پر گہرے دکھ کا اظہار کرتے ہوئے کہا ہے کہ اللہ مرحوم کو جوار رحمت میں جگہ اور اہل خانہ و دوستوں کو صبر جمیل عطاء فرمائے۔