اسرائیل وزیر خارجہ یائر لاپید دو روزہ دورے پر متحدہ عرب امارات پہنچ گئے

غیر ملکی خبر رساں ادارے کے مطابق اسرائیلی وزیرخارجہ  ابوظہبی میں اسرائیلی سفارتخانے کا افتتاح  کردیا ہے ،اس دوران دونوں ممالک کے درمیان اقتصادی تعاون کے بیشتر معاہدوں پر بھی دستخط کیے جائیں گے۔

اسرائیلی وزیرخارجہ نے اپنے دورہ امارات کو تاریخی قراردیدیا ہے۔ متحدہ عرب امارات کے اسرائیل کوتسلیم کرنے کےبعداسرائیلی وزیرخارجہ کا یہ پہلا دورہ ہے،اسرائیلی وزیرخارجہ کاطیارہ سعودی عرب کی فضائی حدود سے ہوتے ہوئے امارات پہنچا۔

متحدہ عرب امارات نے گزشتہ برس  اگست میں اسرائیل سے تعلقات قائم کیے تھے۔ دونوں ممالک  نے اعلان کیا تھا کہ وہ تعلقات کو معمول پر لائیں گے۔بحرین نے بھی 15 ستمبر کو وائٹ ہاؤس میں اسرائیل کے ساتھ تعلقات معمول پر لانے کے لیے یو اے ای کے ساتھ مل کر معاہدے پر دستخط کردیے تھے۔