ایئر کمانڈر (ریٹائرڈ) ایس سجاد حیدر، (ستارہ جرات) اسلام آباد میں سپردِ خاک

اسلام آباد: ایئر کمانڈر (ریٹائرڈ) ایس سجاد حیدر، (ستارہ جرات) کو اسلام آباد میں سپردِ خاک کردیا گیا۔

ائیر کموڈور (ریٹائرڈ) سجاد حیدر نے 1965 اور 1971 کی جنگوں میں بھرپور حصہ لیا جب کہ وہ 1965 کی جنگ میں پٹھان کوٹ ایئربیس پر حملے کی قیادت کے لیے مشہور تھے۔

جنگ کے دوران پیشہ ورانہ قابلیت اور بہترین حکمت عملی کے تحت ایئر کموڈور سجاد حیدر نے 4 بھارتی طیارے اور 11 بھارتی ٹینک بھی تباہ کیے۔

ایئر کموڈور (ریٹائرڈ) سجاد حیدر کتاب فلائٹ آف دی فالکن کے مصنف بھی تھے، ان کی نماز جنازہ کرکٹ گراؤنڈ، ایئرہیڈ کوارٹر اسلام آباد میں ادا کرنے کے بعد انہیں سپردِ خاک کردیا گیا ہے۔