ڈی جی آئی ایس پی آر کی یو ایم ٹی لاہور کے اساتذہ اور طلباء کیساتھ خصوصی نشست

ڈی جی آئی ایس پی آر لیفٹیننٹ جنرل احمد شریف نے یونیورسٹی آف مینجمنٹ اینڈ ٹیکنالوجی (یو ایم ٹی) لاہور کے اساتذہ اور طلباء کیساتھ خصوصی نشست کی۔

یو ایم ٹی لاہور کے طلباء اور اساتذہ نے ڈی جی آئی ایس پی آر سے ملاقات اور بات چیت کے اہتمام پر پاک فوج کا شکریہ ادا کرتے ہوئے اس بات کا اظہار کیا کہ  پاک فوج کے خلاف جو بھی منفی پراپیگینڈہ بنا تحقیق کے پھیلایا جاتا رہا آج اس حوالے سے تمام ابہام اور شکوک و شبہات دور ہوگئے۔

طلباء اور اساتذہ کا مزید کہنا تھا کہ آج ڈی جی آئی ایس پی آر سے براہِ راست بات چیت کرکے ہمیں حقیقی معنوں میں پاک فوج کیخلاف پھیلائی جانیوالی غلط معلومات اور جھوٹی پر مبنی خبروں کے بارے میں آگاہی ملی۔ ڈی جی آئی ایس پی آر نے جس باوقار انداز میں ہمارے سوالات کے مدلل جواب دیئے وہ انتہائی خوش آئیند اور حوصلہ افزاء تھے۔

طلباء نے اس خواہش کا بھی اظہار کیا کہ اسطرح کے سیشن تواتر کیساتھ ہونے چاہیئے تاکہ نوجوانوں اور پاک فوج کے مابین خلاء کو کم کیا جائے اور غلط فہمیوں کا تدارک ہو۔اس بات میں کسی کو کوئی شک نہیں ہونا چاہئیے کہ پاکستان کے نوجوان خصوصاً طلباء پاک فوج کے شانہ بشانہ ملک کی حفاظت کیلئے ڈٹ کر کھڑے ہیں۔