لنڈی کوتل:مکان میں دھماکہ سے 5 افراد جاں بحق اور 6زخمی

تفصیلات کے مطابق  پولیس ذرائع نے بتایا ہے کہ بچے مائنز کے ٹکڑوں کو کھلونا سمجھ کر گھر لے گئے تھے اور اس سے کھیل رہے تھے کہ دھماکہ ہو گیا۔ابتدائی تفتیش کے مطابق جاں بحق ہونے والوں میں ایک خاتون اور چار بچے شامل ہیں جب کہ 5 افراد زخمی ہیں۔

اطلاع ملتے ہی علاقہ پولیس، مقامی انتظامیہ اور ریسکیو ادارے کے افراد فوری طور پر جائے وقوع پر پہنچ گئے تھے جنہوں نے زخمیوں کو طبی امداد کے لیے فوری طور پر اسپتال منتقل کیا۔جاں بحق ہونے والے افراد کی نعشوں کو بھی پوسٹ مارٹم کے لیے اسپتال منتقل کردیا گیا ہے جب کہ پولیس نے جائے وقوع سے ثبوت و شواہد بھی اکھٹے کیے ہیں۔

دھماکے کے خلاف اہل علاقہ نے شدید احتجاج کیا اور احتجاجاً پاک افغان شاہراہ کو ہر قسم کے ٹریفک کے لیے بند بھی کردیا ۔ پاک افغان شاہراہ ٹریفک کے لیے بند ہونے کی وجہ سے گاڑیوں کی لمبی لمبی قطاریں لگ گئی ہیں۔