غزہ :حماس کی جوابی کارروائی میں اسرائیلی فوج کا کیپٹن اور میجر ہلاک، 4 سپاہی زخمی

تل ابیب: غزہ میں حماس  کی جوابی کارروائی میںاسرائیلی فوج کےایک کیپٹن اور میجر ہلاک ، جبکہ جھڑپوںمیں 4 اسرائیلی سپاہی زخمی ہو گئے۔
اسرائیل نے اپنے فوجیوں کی ہلاکت کی تصدیق کرتے ہوئے کہا کہ حماس کے ساتھ زمینی لڑائی میں24 سالہ کیپٹن شخنازی اور 28سالہ میجر ریواہ مارے گئے ہیں۔ 
اسرائیلی دفاعی افواج (آئی ڈی ایف) کے ترجمان کا کہنا ہے کہ لڑائی کے دوران 4 سپاہی زخمی بھی ہوئے،
ترجمان کے مطابق ہلاک ہونے والے فوجی افسروں اور 2 سپاہوں کا تعلق نہال بریگیڈ 932 بٹالین سے تھا۔ 
اسرائیلی ترجمان کامزید کہنا ہے کہ 2 مزید فوجیوں کی ہلاکت کے بعد غزہ میں زمینی آپریشن شروع ہونے سے اب تک ہلاک ہونے والے اسرائیلی فوجیوں کی تعداد اب 397 تک پہنچ گئی ہے۔