کینیڈا قیامت تک امریکا میں ضم نہیں ہوگا، جسٹن ٹروڈو کا امریکی صدر کو کرارا جواب

کینیڈا کے وزیراعظم جسٹن ٹروڈو نے امریکا کے نومنتخب صدر ڈونلڈ ٹرمپ کو کرارا جواب دیتے ہوئے کہا ہے کہ کینیڈا قیامت تک امریکا میں ضم نہیں ہوگا۔

نو منتخب امریکی صدر کے کینیڈا کو امریکا کا حصہ بنانے کی دھمکی پر کینیڈین وزیراعظم جسٹس ٹروڈو نے انہیں جواب دیتے ہوئے کہا کہ کینیڈا کبھی بھی امریکا کا حصہ نہیں بن سکتا۔

واضح رہے کہ ڈونلڈ ٹرمپ نے کینیڈا کو امریکا کی 51 ویں ریاست بنانے کی اپنی پیشکش کی تجدید کی تھی، ان کا بیان تھا کہ کینیڈا کے شہری امریکا کی 51 ویں ریاست بننے پر بہت خوش ہوں گے۔

اب نومنتخب امریکی صدر کی کینیڈا کو امریکا میں ضم کرنے کی دھمکی کے جواب میں کینیڈین وزیراعظم نے کہا کہ امریکا اور کینیڈا دونوں ممالک تجارتی و سیکیورٹی پارٹنر اور اچھے پڑوسی ہیں۔

ان کا کہنا تھا کہ دونوں ممالک کے تعلقات ہمیشہ اچھے رہیں یہ ضروری تو نہیں ہے۔

کینیڈین وزیر خارجہ میلانی جولی نے کہا کہ ڈونلڈ ٹرمپ کو سمجھ ہی نہیں کہ کینیڈا کی اصل طاقت کیا ہے۔ کینیڈا کبھی دھمکیوں کے سامنے نہیں جھکے گا۔

وہیں کینیڈین اپوزیشن لیڈر نے کہا کہ کینیڈا ایک عظیم اور خود مختار ملک ہے جو کبھی امریکا کی ریاست نہیں بنے گا۔

خیال رہے اس سے قبل ٹرمپ نے کینیڈا کو ضم کرنے کے لیے معاشی طاقت کے استعمال کی دھمکی دی تھی۔