ایمن سلیم کے ہاں پہلے بچے کی پیدائش،اداکارہ نے کیا نام رکھا؟

پاکستان شوبز انڈسٹری کی معروف اداکارہ و ،ماڈل ایمن سلیم کے ہاں پہلے بچے کی پیدائش ہوئی ہے۔
اداکارہ ایمن سلیم نےسماجی رابطوں کی ویڈیو شئیرنگ ایپ انسٹاگرام پر نومولود کے پیروں کی تصویر اور ایک خوبصورت پوسٹ شیئر کرتے ہوئے مداحوں کو بیٹے کی پیدائش کی اطلاع دی۔
ایمن سلیم نے اپنی سوشل میڈیا پوسٹ میں لکھاکہ’ 2 لوگوں کی پارٹی سے لےکر 3 افراد کا خاندان بننے تک، ہمارے بچے کے ساتھ گزشتہ 6 ہفتے  ایک معجزہ رہے‘ ۔
ایمن سلیم نے انسٹا گرام پوسٹ میں بیٹے کا نام کیحان ملک بتاتے ہوئے اسے دنیا میں خوش آمدید کہا ہے۔
واضح رہے کہ سابق کرکٹر سلیم یوسف کی صاحبزادی ایمن سلیم  دسمبر 2023 میں کامران ملک کے ساتھ رشتہ ازدواج میں منسلک ہوئی تھیں،اداکارہ کے انسٹاگرام پر فالوورز کی تعداد 1.4 ملین ہے اور وہ اکثر شوہر کے ساتھ تصاویر شیئر کرتی رہتی ہیں۔