خلیجی ممالک نے دو دن میں مزیدکتنے پاکستانیوں کو بے دخل کیا؟

دبئی:خلیجی ممالک کی جانب سے پاکستانیوں شہریوں کو ملک سے بےدخل کرنے کا سلسلہ جاری ہے، گزشتہ36 گھنٹوں کے دوران بے دخل کیے گئے پاکستانیوں کی تعداد 100 سے زائد ہوگئی۔
میڈیا رپورٹس کے مطابق ڈی پورٹ ہونے والےپاکستانی شہری کراچی ائیرپورٹ سمیت دیگر ہوائی اڈوں سے پاکستان پہنچے۔
رپورٹس کے مطابق ڈی پورٹ ہونےوالوں میں ایک شیر خوار بچہ بھی شامل تھا، بچہ والدین کی روپوشی کے دوران خلیجی ملک میں پیدا ہوا۔
اس کے علاوہ ایک پاکستانی کا پاسپورٹ گم ہوچکا تھا جبکہ دو مسافر وہ تھے جن  کے بیرون ملک سفر پر پابندی عائد تھی۔ 
بے دخل پاکستانیوں میں سے بیشتر افراد ایمرجنسی پیپرز پر وطن واپس پہنچے،سعودی عرب سے بے دخل 33 پاکستانیوں کو کراچی بھیجا گیا، ایمرجنسی پاسپورٹ پر 14 پاکستانی عراق سے کراچی پہنچے، دبئی، عمان، زمیبیا، قطر اور یو کے نے بھی ایک ایک پاکستانی کو بے دخل کیا گیا۔
گزشتہ رات کراچی ائیرپورٹ پر 30 مزید پاکستانیوں کو بیرون ملک پروازوں سے آف لوڈ کیا گیا جن میں تنزانیہ، بنگلہ دیش،چین، ملائیشیا، عمان، سعودی عرب، یوگنڈا جانے والے مسافر شامل تھے،جن کو ایڈوانس ہوٹل بکنگ، اخراجات کی رقم نہ ہونے اور دیگر وجوہات کی بناء پر آف لوڈ کیا گیا۔