لکی مروت: فتنہ الخوارج کے دہشتگردوں نے 17 سویلین ورکرز کو اغوا ءکرلیا، 8بازیاب

فتنہ الخوارج کے دہشت گردوں نے خیبر پختونخوا کے ضلع لکی مروت کے علاقے کبل خیل میں بھتہ نہ دینے پر 17 شہریوں کو اغوا کرلیا۔

فتنہ الخوارج کے دہشت گردوں نے کبل خیل میں بھتے کے لیے 17 سویلین ورکرز کو اغوا کیا، اغوا کیے جانے والے ورکرز نہتے تھے جب کہ دہشت گردوں نے مقامی ٹھیکدار کی گاڑی کو بھی آگ لگادی۔

سیکیورٹی فورسز اور قانون نافذ کرنے والے اداروں نے 8 مغوی ورکزز کو بحفاظت بازیاب کروالیا، سکیورٹی ذرائع کے مطابق باقی نہتے ورکز کو بھی بازیاب کروالیا جائے گا، اس حوالے سے آپریشن جاری ہے۔

سیکیورٹی ذرائع کا کہنا تھا کہ یہ اقدام کرنے والے عناصر کو کیفر کردار تک پہنچا جائے گا جب کہ فتنہ الخوراج کی ان پاکستان اور عوام دشمن کارروائیوں کا دین اور اسلامی اقدار سے کوئی تعلق نہیں ہے۔