پی آئی اے کی ساڑھے چار سال بعد پیرس کے لیے پہلی پرواز آج روانہ ہوگی

پی آئی اے کی تقریباً ساڑھے چار سال بعد پیرس کے لیے پہلی پرواز آج روانہ ہوگی۔

ترجمان پی آئی اے کے مطابق پہلی پرواز اسلام آباد سے پیرس کے لیے دن بارہ بجکر دس منٹ پر روانہ ہوگی۔ پرواز کی روانگی سے قبل اسلام آباد ایئر پورٹ پر تقریب کا انعقاد ہوگا۔

پیرس آنے اور جانے والی پہلی اور دوسری پروازوں کے لیے فلائٹ بکنگ فل ہو چکی ہیں۔ ترجمان کے مطابق پی آئی اے پیرس کے لیے ہفتہ وار دو براہ راست پروازیں چلا رہی ہے۔

ترجمان کے مطابق مسافر اپنے موبائل فون، ٹیبلٹ یا لیپ ٹاپ کے ذریعے ان فلائٹ انٹرٹینمنٹ استعمال کر سکیں گے۔