پہلی یورپی پرواز پیرس روانہ ، پی آئی اے ترقی کی جانب گامزن ہے، وزیر اعظم

وزیرِ اعظم محمد شہباز شریف نے کہا ہے کہ یورپ پروازوں کی بحالی کے بعد پی آئی اے ترقی کی جانب گامزن ہے۔

وزیر اعظم شہباز شریف نے کہا کہ پی آئی اے کی یورپ کیلئے پروازوں کی بحالی سے بیرون ملک مقیم پاکستانیوں کو سہولت ہوگی، بیرون ملک مقیم پاکستانی براہ راست پروازوں سے مستفید ہو سکیں گے۔

وزیرِ اعظم محمد شہباز شریف نے پی آئی اے کی یورپ کیلئے پروازوں کی بحالی کے بعد پیرس کیلئے پہلی پرواز کی روانگی پر عوام کو مبارکباد دی۔

محمد شہباز شریف نے کہا کہ یورپ پروازوں کی بحالی کے بعد پی آئی اے ترقی کی جانب گامزن ہے، اس حوالے سے نائب وزیرِاعظم و وزیرِ خارجہ محمد اسحاق ڈار، وزیرِ ہوابازی و وزیرِ دفاع خواجہ محمد آصف، متعلقہ تمام ادارے، انکے افسران و اہلکار تحسین کے لائق ہیں۔

ان کا کہنا تھا کہ پروازوں کی بندش سے قومی ایئر لائن کو اربوں ڈالر کا نقصان اور اسکی ساکھ متاثر ہوئی، اللہ کے فضل و کرم سے حکومت نے قومی ایئر لائن کا تشخص بحال کیا۔