ڈیرہ اسماعیل خان میں سیکیورٹی فورسز کی بڑی کارروائی، 5 خوارجی دہشت گرد ہلاک

ڈیرہ اسماعیل خان:سیکیورٹی فورسز نے خیبر پختونخوا کے ضلع ڈیرہ اسماعیل خان میں کارراوئی کرتے ہوئے 5 خارجی دہشتگردوں کو ہلاک کر دیا۔
پاک فوج کے شعبہ تعلقات عامہ (آئی ایس پی آر)کے مطابق سیکیورٹی فورسز نے 10 جنوری کو خارجیوں کی موجودگی کی اطلاع پر ضلع ڈیرہ اسماعیل خان کے علاقے مدی میںخفیہ اطلاعات پر آپریشن کیا۔
ترجمان آئی ایس پی آر کے مطابق آپریشن کے  دوران سیکیورٹی فورسز نے خوارج کے ٹھکانے کو موثر  طریقے  سے نشانہ بنایا، جس کے نتیجے میں، خوارج کے سرغنہ شفیع اللہ  شفیع سمیت پانچ خوارج کو ہلاک کردیا گیا،
ترجمان کے مطابق ہلاک ہونے والے دہشت گردوں کے قبضے سے اسلحہ اور گولہ بارود بھی برآمد ہوا، ہلاک ہونے والے دہشت گردسیکیورٹی فورسز کے خلاف دہشت گردی کی کارروائیوں کے ساتھ ساتھ معصوم شہریوں کی ٹارگٹ کلنگ میں بھی ملوث تھے۔
اپنے بیان میں آئی ایس پی آرترجمان کا مزیدکہنا ہے کہ علاقے میں پائے جانے والے کسی اور خارجی کو ختم کرنے کے لئے سینیٹائزیشن آپریشن بھی کیا گیا ۔
آئی ایس پی آر کے مطابق پاکستان کی سیکیورٹی فورسز ملک سے دہشت گردی کی لعنت کو ختم کرنے کے لیے پرعزم ہیں۔