محمد آصف نےتیسری سارک سنوکر چیمپئن شپ کا ٹائٹل جیت لیا

کولمبو:پاکستان کے محمد آصف نے تیسری سارک اسنوکر چیمپئن شپ جیت لی۔
فائنل میں محمد آصف نے سری لنکا کےطحہ عشراتھ کو شکست دی۔محمد آصف نے فائنل مقابلہ 0-5فریمز سے اپنے نام کیا،پاکستانی کھلاڑی ایونٹ میں ناقابل شکست رہے۔انکی کامیابی کا اسکورر 3-99، 46-73، 38-58، 6-109 اور 0-74 رہا۔
ایونٹ کے فائنل مقابلے میں محمد آصف نے میچ بغیر کوئی فریم ڈراپ کیے جیت لیا۔  
اس قبل پہلےکھیلے جانے والے سیمی فائنل میں سری لنکا کےتھاہا ارشاتھ نے نیپال کے انکت مان کو تین کے مقابلے میں پانچ فریم سے مات دی تھی۔
واضح رہے کہ محمد آصف سارک اسنوکر چیمپئن شپ جیتنے والے دوسرے پاکستانی پلیئر ہیں، ان سے قبل 2019 میں ہونیوالی پہلی سارک اسنوکر چیمپئن شپ پاکستان کے اسجد اقبال نے جیتی تھی۔
دوسری جانب صدرمملکت آصف علی زرداری نے محمد آصف کو تیسری سارک اسنوکرچیمپئن شپ جیتنے پر مبارکباد دی۔
انہوں نے کہاکہ محمد آصف نے فائنل سمیت پوری چیمپئن شپ میں بہترین کھیل پیش کیا اوراسنوکر کے کھیل میں پاکستان کا نام روشن کیا۔
وزیراعظم شہباز شریف نے محمد آصف کو تیسری سارک  سنوکر چیمپئن شپ جیتنے پر مبارکباد دیتےہوئےکہا کہ محمد آصف نے سنوکر کی ایک اہم چیمپئن شپ جیت کر ملک کا نام پوری دنیا میں روشن کیا،پوری قوم کو آپ پر فخر ہے،وزیراعظم نےمحمد آصف کے مستقبل کیلئے نیک خواہشات کا اظہار بھی کیا ۔