چیمپئینز ٹرافی سےقبل بنگلہ دیش کو بڑا جھٹکا،کونسااہم کھلاڑی اسکواڈ سے باہر ہو گیا؟

ڈھاکہ:بنگلہ دیش کرکٹ بورڈ(بی سی بی) کی جانب سے چیمپئینز ٹرافی کے لیے اسکواڈ کا اعلان کر دیا گیا ہے۔
انگلینڈ، نیوزی لینڈ کے بعد بنگلادیش ایشیائی ٹیموں میں چیمپئینز ٹرافی کیلئے اسکواڈ کا اعلان کرنیوالی پہلی ٹیم بن گئی۔
بی سی بی نے آئی سی سی چیمپئینز ٹرافی کیلئے 15 رکنی اسکواڈ کا اعلان کردیا ہے، چیمپئینز ٹرافی میں بنگلہ دیش ٹیم کی قیادت نظم الحسن شانتو کے سپرد کی گئی ہے۔
میگا ایونٹ اسکواڈ میں سابق کپتان اور سینئیر آل راؤنڈر شکیب الحسن کوشامل نہیں کیا گیا۔
خیال رہے کہ چیمپئینز ٹرافی سے قبل بنگلادیش کے سابق کپتان شکیب الحسن دوسری بار بھی بالنگ ایکشن ٹیسٹ میں ناکام ہوگئے تھے جس کے بعد انکی اسکواڈ میں شمولیت پر سوالیہ اٹھ گیا تھا۔
واضح رہے کہ کچھ روز قبل بنگلہ دیش کے سابق کپتان تمیم اقبال نے بھی کرکٹ کو الوداع کہہ دیا تھا۔