وزیر اعظم عمران خان کا امریکہ کو 'نو مور'

تفصیلات کے مطابق وزیر اعظم عمران خان کا قومی اسمبلی میں اظہار خیال کرتے ہوئے کہنا تھا کہ ہمارا دہشت گرد برطانیہ میں 30 سال سے بیٹھا ہے کیا  برطانیہ ہمیں  ڈرون حملہ کی اجازت دے گا, پاکستان امریکا کے ساتھ امن میں شرکت کرسکتا ہے جنگ میں نہیں امریکا نے فوجی حل نا ہونے پر افغانستان سے انخلا کی تاریخ دے دی ,میرا تو پہلے ہی موقف تھا کہ افغان مسلے کا حل ٹیبل ٹاک ہے اب امریکا خود چاہتا ہے کہ ہم افغان گروپوں کو مزاکرات کی میز پر لائیں، افغانستان میں امن ہمارے مفاد میں ہے پاکستان افغانستان میں سٹیرٹیجک ڈیپتھ میں نہیں ۔

وزیر اعظم کا امریکا کو ڈرون حملوں پر جواب دیتے ہوئے کہنا تھا کہ جن لوگوں کے اپنے ڈرون حملوں میں مرتے ہیں وہ پھر پاکستانی عوام پر حملہ کرتے ہیں ۔

ماضی کے ہمارے حکمرانوں نے ڈرون حملوں کی اجازت دی لیکن جب ڈرون حملہ ہوتا تو اس کی مزمت کرتے ,  لیکن ان میں اتنی ہمت نہیں تھی کہ وہ اعتراف کرتے کہ اجازت انہوں نے دی ہے امریکا کو کیا برا کہوں ہم نے خود اپنے لوگ مارنے کی اجازت دی جو قوم اپنی عزت نہیں کرتی دنیا بھی اس کی عزت نہیں کرتی جب اسامہ بن لادن کے خلاف آپریشن ہوا تو سب سے زیادہ ذلت بیرون ملک پاکستانیوں نے برداشت کی  ۔

امریکی جنرل نے اوپن سماعت میں یہ کہا کہ  پاکستانی حکومت کی اجازت سے ہم ڈرون حملے کرتے ہیں ۔