پی ٹی آئی کیساتھ مذاکرات میں ملکی مفاد کو نظر انداز نہیں کیا جائے گا،نوازشریف

مسلم لیگ ن کے صدر نواز شریف نے کہا کہ ملک کےلئے ہم سب کو اکٹھا ہوکر چلنا ہوگا۔

انہوں نے تحریک انصاف سے مذاکرات کے حوالے سے شہباز شریف کو ہدایت کی کہ مذاکرات میں ملکی مفاد کو سامنے رکھا جائے۔ 
مسلم لیگ (ن) کے صدر نواز شریف نے تحریک انصاف سے مذاکرات کے حوالے سے وزیراعظم کو اہم ہدایت کردی۔
وزیراعظم شہباز شریف نے جاتی امرا میں مسلم لیگ ن کے صدر اور اپنے بڑے بھائی نواز شریف سے اہم ملاقات کی جو دو گھنٹے تک جاری رہی اور اس میں وزیراعلیٰ پنجاب مریم نواز سمیت دیگر رہنما بھی شریک ہوئے۔

وزیراعظم شہبازشریف نےمذاکرات کےحوالےسےہونےوالی ابتک کی پیشرفت سے آگاہ کیا اور بریفنگ دی کہ ملک کے معاشی حالات بہتر ہوگئے، حالات مثبت سمت کی طرف گامزن ہے۔
وزیراعظم شہباز شریف نے صد مسلم لیگ ن کو ملک کی موجودہ سیاسی صورتحال ،مذاکرات اور ملکی معاشی استحکام سمیت اہم امورپربریفنگ دی۔
وزیراعظم شہباز شریف نے پی ٹی آئی سے مذکراتی عمل بارے تازہ صورتحال سے آگاہ کیا جبکہ اہم بیٹھک میں پی ٹی آئی کے مطالبات پر غور بھی کیا گیا۔

 سابق وزیراعظم نواز شریف نےکہا کہ مسلم لیگ ن کی حکومت جب بھی عوام کو مہنگائی سے ریلیف دیاگیا، مسلم لیگ ن کی حکومت بہتر انداز میں عوام کی خدمت کرتی رہے گی، ملک کے معاشی استحکام کیلئےسیاسی استحکام بہت ضروری ہے۔ 

پی ٹی آئی کی جانب سے حکومتی کمیٹی کے علاوہ دیگر اسٹیک ہولڈرزسےبھی ملاقات بھی زیر غور آئی۔