پاکستان امن کی ہر کوشش کے ساتھ کھڑا ہے،آرمی چیف

پاکستانی فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے نیشنل ڈیفنس یونیورسٹی کا دورہ کیا ،آرمی چیف  نےنیشنل سکیورٹی اور وار کورس کے شرکا سے خطاب کیا، آرمی چیف نے اسٹریٹجک اور علاقائی صورتحال پر تفصیلی اظہار خیال کیا گیا۔

آرمی چیف جنرل قمر جاوید باجوہ کا کہنا ہے کہ  پاکستان امن کی ہر کوشش  کے ساتھ کھڑا ہے،پاکستان مختلف ریجنز کےدرمیان پل کا کردار ادا کرسکتا ہے،افغانستان میں موجود امن دشمن علاقائی امن واستحکام سے کھیل رہےہیں،  مسئلہ کشمیراقوام  متحدہ کی قراردادوں ،کشمیریوں  کی  خواہش کے  مطابق ہی حل ہوسکتا ہے، مقبوضہ کشمیرکےعوام کی حق خودارادیت کی جدوجہدکی حمایت کرتےہیں۔

آرمی چیف  نے اس موقع پر کہا کہ  موجودہ ڈاکٹرائن کوبہترسےبہتربنانےکےلئےکوشاں ہیں،مختلف نوعیت کےخطرات سےمؤثراندازمیں نمٹنےکیلئےپرعزم ہیں،پیشہ ورانہ مہارت،فرض شناسی پاک فوج کاطرہ امتیازہے۔

آئی ایس پی آر کے مطابق آرمی چیف نے تربیتی اورآپریشنل تیاریوں کومزیدنکھارنےکی ہدایت کی ہے۔

آرمی چیف جنرل قمر جاوید باجوہ نے مزید کہا کہ  ماڈرنائزیشن اورجدیدٹیکنالوجی اختیارکرناوقت کی اہم ضرورت ہے،بہترین مزین،تربیت یافتہ،متحرک فوج کسی بھی چیلنج سےنمٹ سکتی ہے،مسلح افواج اورقوم کےاعتمادکےبندھن کوتوڑنےکےخواہشمندناکام ہوں گے۔

آئی ایس پی آر کا کہنا ہے کہ  آرمی چیف جنرل قمر جاوید باجوہ  نے کورس مکمل کرنےوالوں کومبارکباد دی۔آرمی چیف نے  افسران کوبہترین مہارتیں اورصلاحیتیں بروئےکارلانےکی ہدایت کی۔