لاہور: آگ لگنے کے نتیجہ میں خوفناک حادثہ تین خواتین جاں بحق

تفصیلات کے مطابق لاہور کے نواحی علاقہ  رائیونڈ میں واقع  سینٹ تھامس  سینٹر میں   بائبل  کی ٹرینگ کلاسز جاری تھیں کہ اس دوران پہلی  منزل کے حصہ میں  شارٹ سرکٹ کے باعث اچانک آگ بھڑک اٹھی اور دھوئیں کے باعث 4خواتین بے ہوشی ہو گئیں جنکو طبی امداد  کے لئیے ہسپتال  منتقل کیا گیاتاہم حالت خراب ہونے کے باعث تین خواتین  دم توڑ گئیں جبکہ جاں بحق خواتین کی لاشوں کو جناح ہسپتال کے مردہ خانے منتقل کر دیا گیا ۔

جاں بحق خواتین میں 22سالہ نیلم کاتعلق قصور ،25 سالہ کنزہ سرگودھا  جبکہ 42 سالہ ربیہ کا تعلق ساہیوال سے ہے۔

وزیر اعلی پنجاب عثمان بزدار نے واقعہ کا نوٹس لے لیا اور کمشنر لاہور ڈویژن اور سی سی پی او لاہور سے رپورٹ طلب کرلی اورواقعہ کی  تحقیقات کا حکم دے دیا ۔