سعودی عرب امریکا میں 600 ارب ڈالر کی سرمایہ کاری کریگا

سعودی ولی عہد اور ٹرمپ کا ٹیلیفونک رابطہ، سعودیہ 4 سالوں میں امریکا میں 600 ارب ڈالر کی سرمایہ کاری کریگا۔ 

سعودی ولی عہد محمد بن سلمان اورامریکی صدرڈونلڈ ٹرمپ میں کے درمیان ٹیلی فونک رابطہ ہوا۔

دونوں رہنماؤں نےسرمایہ کاری اور تجارتی تعلقات کو مزید فروغ دینے اور دہشتگردی کی روک تھام کے لیے دو طرفہ تعاون کوبڑھانے پراتفاق کیا جب کہ گفتگو کے دوران مشرق وسطیٰ میں قیام امن اورسلامتی سے متعلق بھی بات چیت ہوئی۔

میڈیا رپورٹس کےمطابق سعودی ولی عہد اور امریکی صدر نے ٹیلی فونک گفتگو میں دو طرفہ تعلقات اور باہمی امور پرتبادلہ خیال کیا گیا جب کہ شہزادہ محمد بن سلمان نے صدر ڈونلڈ ٹرمپ کو منصب سنبھالنے پرمبارکباد دی اور  امریکی قیادت و عوام کے لیےنیک خواہشات کا اظہار کیا۔ 

سعودی ولی عہد محمد بن سلمان نےکہاکہ سعودی عرب اگلے 4 سالوں میں600 ارب ڈالرزکی سرمایہ کاری اور  تجارت کو بڑھاناچاہتاہے۔