پی ٹی آئی والے جس طرف دیکھ رہے ہیں وہ سیاست پر بات نہیں کریں گے : رانا ثنا اللہ

وزیر اعظم کے مشیر برائے سیاسی امور رانا ثنا اللہ کا کہنا ہے کہ پی ٹی آئی والے جس طرف دیکھ رہےہیں وہ سیاسی ایجنڈے پربات نہیں کریں گے۔

تفصیلات کے مطابق ن لیگ  کے مرکزی رہنما اور مشیر وزیر اعظم رانا ثنا اللہ نے کہا کہ پی ٹی آئی والوں کو کوئی ونڈو نہیں ملی ہے اور جس طرف یہ دیکھ رہےہیں انہوں نےکسی سیاسی ایجنڈے پر گفتگو نہیں کرنی۔

رہنما مسلم لیگ ن رانا ثنا اللہ کاکہنا تھاکہ خیبرپختونخوا میں پی ٹی آئی والوں نے حکومت کرنی ہے لیکن کام نہیں کرنا،یہ لوگ لوگوں کو اکٹھا کرتےہیں،اسلام آباد پر حملہ کرتے ہیں،اس بار اجازت نہیں دی جائےگی۔

رانا ثنا اللہ نے کہاکہ اگر پی ٹی آئی والوں کو کوئی غلط فہمی ہوئی ہےتو آنےوالے دنوں میں دور ہوجائے گی،ان کو پارلیمنٹ میں بیٹھنا بھی ہےاور تمام مراعات بھی حاصل کرنی ہیں۔

واضح رہےکہ عمران خان نے حکومت کے ساتھ مذاکرات کےخاتمے کا اعلان کر دیا ہے ۔