قومی اسمبلی سے منظوری کے بعد پیکا ایکٹ ترمیمی بل سینیٹ میں بھی پیش،اپوزیشن اور صحافیوں کا واک آوّٹ

اسلام آباد: پیکا ایکٹ ترمیمی بل قومی اسمبلی سے منظوری کے بعد سینیٹ میںبھی پیش کر دیا گیا
سینیٹ کا اجلاس ڈپٹی چیئرمین سینیٹ کی زیرصدارت ہوا، جس میں پیکا ایکٹ ترمیمی بل منظوری کے لیے پیش کیا گیا،جس پر اپوزیشن اور کوریج کے لیے آئے صحافیوں نے شدید احتجاج کیا۔
ترمیمی بل وفاقی وزیرقانون اعظم نذیر تارڑ نے پیش کیا، ڈپٹی چیئرمین سینیٹ نے بل متعلقہ کمیٹی کو بجھوا دیا۔
اس دوران پاکستان تحریک انصاف (پی ٹی آئی) کے سینیٹر نشتوں پر کھڑے ہوگئے اور احتجاج شروع کردیا، جبکہ صحافیوں نے بھی احتجاج کرتے ہوئے پریس گیلری سے واک آوّٹ کیا ۔
 دوران اجلاس پیپلز پارٹی کی سینیٹر شیری رحمان نے وقفہ سوالات معطل کرنے کی تحریک پیش کی جس پر ڈپٹی چیئرمین سینیٹ نے وقفہ سوالات معطل کردیا۔
اس اجلاس کے دوران ہی  "ڈیجیٹل نیشن پاکستان بل" بھی پیش کیا گیا، جسے قائمہ کمیٹی کو بھیج دیا گیا۔ ڈپٹی چیئرمین سینیٹ نے کمیٹی کو 3 دن کے اندر اس بل پر رپورٹ ایوان میں پیش کرنے کی ہدایت دی۔ اجلاس 27 جنوری تک ملتوی کر دیا