دوسرا ٹیسٹ:ویسٹ انڈیز کا پاکستان کو جیت کے لیے254 رنز کا ہدف

ملتان: ویسٹ انڈیز نے پاکستان کو دوسرے ٹیسٹ میچ میں جیت کے لیے 254 رنز کا ہدف دے دیا۔
ملتان میں کھیلے جا رہےسیریز کے دوسرےاور آخری ٹیسٹ میچ کے دوسرے روز ویسٹ انڈیز کی ٹیم دوسری اننگز میں 244 رنز بنا کر آؤٹ ہوگئی۔
 کھیل کے دوسرے  روز ویسٹ انڈیز کے بلے بازوں نے ٹیم کو پر اعتماد آغاز فراہم کیا،۔
کپتان کریگ براتھو یت نے 52 رنز کی اننگز کھیلی ،جبکہ عامر جانگو 32 رنز بنا کر پویلین لوٹے۔ 
دوسری اننگ میں پاکستان کی جانب سے نعمان علی نے4 کھلاڑیوں کو آئوٹ کیا۔
ٹیسٹ میچ کے پہلے روز کھیل کے اختتام تک دونوں ٹیمیں اپنی پہلی اننگز مکمل کرچکی تھیں، جس میں ویسٹ انڈیز نے پہلے بلے بازی کرتے ہوئے 163 رنز اسکور کیے تھے۔
پاکستان کی جانب سے نعمان علی نے ہیٹرک کرتے ہوئے مجموعی بطور پر 6 وکٹیں حاصل کیں تھیں۔
جس کے جواب میں پاکستان نے اپنی پہلی اننگز میں انتہائی مایوس کن کھیل پیش کیا اور پوری ٹیم 154 رنز بنا کر آؤٹ ہو گئی۔
پاکستان کی جانب سےکپتان شان مسعود 15، کامران غلام 16، محمد ہریرہ 9 اور بابراعظم محض ایک رن بنا کر پویلین لوٹ گئے۔
جبکہ پانچویں وکٹ پر سعود شکیل اور محمد رضوان نے 68 رنز کی پارٹنرشپ قائم کی لیکن بعدازاں سعود 32 کے انفرادی سکور پر وکٹ گنوا بیٹھے، محمد رضوان بھی 49 رنز بنا کر آؤٹ ہو گئے۔
نعمان علی صفر، سلمان علی آغا 9، ابرار احمد 2 اور کاشف علی بھی صفر پر آؤٹ ہوئے، ویسٹ انڈیز کی جانب سے جومل واریکن نے 4، گڈاکیش موتی نے 3 اور کیمار روچ نے 2 وکٹیں حاصل کیں۔