حلیہ تبدیل کرکے ساتھیوں کے ہمراہ وارداتیں کرنے والا ملزم گرفتار

لاہور:پولیس نے تبدیل کر کے ساتھیوں کے ہمراہ مل کر وارتیں کرنے والے گروہ کو گرفتار کر لیا ہے۔
ڈی ایس پی اسلامپورہ سرکل حافظ عبیداللہ سعدی نے میڈیا سے گفتگو کرتے ہوئے بتایا کہ حلیہ تبدیل کر کے ساتھیوں کے ہمراہ وارداتیں کرنے والا ملزم گرفتار کرلیا۔
لاہورپولیس کے مطابق چند روز قبل داتا دربار کے علاقےمیں ملزمان تاجر کے ڈسٹری بیوشن آفس میں چینج لینے کے بہانے گھسے اور عملے کو یرغمال بنا کر 20 لاکھ کی رقم لیکر فرار ہوگئے۔
پولیس کے بیان کے مطابق ملزموں نے 20 جنوری کو گجر پورہ کے علاقہ میں ہاؤس رابری کی،جس میں ملزمان 10 لاکھ کے پرائز بانڈ اور طلائی زیور لیکر رفو چکر ہو گئے،یکے بعد دیگر ملزموں ے لاہور میں وارداتوں کا سلسلہ جاری رکھا۔
گجر پورہ سے ہی ایک ہنڈا 125 موٹر سائیکل چھینی،دوران واردات ملزمان حلیہ تبدیل کرتے تھے سر پر وگ ،ٹوپیوں کا استعمال کرتے تھے،جن کی گرفتاری کے لیے ایس ایچ او داتا دربار عثمان یونس اور ٹیم کو ٹاسک دیا گیا۔
جس کے بعد پولیس نے کارروائی کرتے ہوئے گینگ سرغنہ ملزم ڈیورڈ رائے عرف آفتاب کو گرفتار کر لیا جبکہ ملزم کے دیگر ساتھیوں شان ،خرم کی گرفتاری کیلئے ریڈ کیے جا رہے ہیں۔
گرفتار ملزم سے 19 لاکھ نقد رقم ،پرائز بانڈ، زیورات، 2پسٹل ،موٹر سائیکل برآمد ہوا۔
ایس پی سٹی کی جانب سے ایس ایچ او داتا دربار عثمان یونس، انچارج انویسٹی گیشن ثقلین اور ٹیم کو شاباش اور تعریفی سرٹیفکیٹ کا اعلان کیا گیا۔ ڈی ایس پی اسلام پورہ سرکل کا کہنا تھا کہ اسٹریٹ کریمنلز کے خلاف کریک ڈاؤن جاری رکھیں گے، عوام الناس کے جان و مال کی حفاظت اولین ذمہ داری ہے۔