گزشتہ ماہ کے دوران مہنگائی کی شرح میں اعشاریہ 26 فیصد کمی ریکارڈ ، ادارہ شماریات

ادارہ شماریات   کی رپورٹ میں کہا گیا ہے کہ سالانہ کی بنیادوں پر مہنگائی کی شرح 8.90 فیصد ریکارڈ کی گئی ہے۔   مئی کی نسبت جون 2021 میں ٹماٹر، پیاز، سبزیوں کی قیمتوں میں اضافہ ہوا ہے۔ماہانہ کی بنیاد پر ٹماٹر 29 فیصد، پیاز 15، انڈے 4.37 فیصد مہنگے ہوئے،سبزیوں کی قیمتوں میں3.11، گندم 1.52 اورگھی کی قیمتیں 1.36 فیصد بڑھی ہیں ۔

رپورٹ کے مطابق  ماہانہ کی بنیادوں پر دال مسور1.26، گڑ اور گوشت کی قیمتیں 2 فیصد بڑھی،گزشتہ ماہ دال مونگ 6.1 اور دال چنا 1.82 فیصد سستی ہوئی ہیں ۔چکن 36.86 اور دال ماش کی قیمتوں میں 1.24 فیصد کمی ریکارڈ ہوئی ہے،گزشتہ ایک ماہ کے دروان پھلوں کی قیمتیں 20 فیصد سے زائد کمی ریکارڈ ہوئی ہے۔

رپورٹ میں کہا گیا ہے کہ  گزشتہ مالی سال کے دوران پسی ہوئی مرچ کی قیمت 90 فیصد مزید بڑھ گئی ہیں ۔  جولائی سے 30 جون تک انڈے 44، آم 35 فیصد مہنگے ہوئے ہیں ،اسی عرصہ کے دوران آلو 25، چکن 21 اور دال ماش 20 فیصد مہنگی ہوئی ہیں ،گزشتہ مالی سال آٹے کا تھیلا 16 فیصد اور گھی 19 فیصد مہنگا ہوا،اسی عرصہ کے دوران پیاز، لہسن کی قیمتوں میں کمی بھی ریکارڈ کی گئی۔

 ادارہ شماریات کی جانب سے جاری کردہ رپورٹ میں کہا گیا ہے کہ  جون 2020 کی نسبت جون 2021 میں انڈوں کی قیمت میں 33 فیصد اضافہ ہوا ہے،گھی کی قیمت میں 24 فیصد اور مصالحہ جات کی قیمتیں 23 فیصد بڑھی ہے، جون 2020 کی نسبت جون 2021 میں چینی کی قیمتوں میں 21 فیصد بڑھی،جبکہ جون 2020 کی نسبت جون 2021 میں گندم کی قیمت 19 فیصد بڑھ گئی۔