بنگلہ دیش میں نئے کورونا لاک ڈاؤن کا آغاز، فوج تعینات

غیر ملکی خبر رساں ادارے کے مطابق بنگلہ دیش کی فوج اور پولیس  خالی گلیوں میں گشت  کر رہی ہےجیسے ہی  کورونا    لاک ڈاؤن شروع ہوا ، لوگوں کو صرف  ہنگامی صورتحال اور  ضروری سامان خریدنے  کیلئے ہی باہر نکلنے کی اجازت ہے۔

اسپتال خاص طور پر ہندوستان سے متصل ان علاقوں میں صورتحال تشویشنا ک ہے جہاں  سے  کورونا کی  ڈیلٹا قسم   کا آغاز ہوا تھا۔کچھ دیہی شہروں میں انفیکشن کی شرح 70 فیصد ریکارڈ کی گئی ہے۔

لاک ڈاون کے پہلے دن  ڈھاکہ کی عام طور پر  رش والی   سڑکیں ویران ہوگئیں  جہاں فوجی  جوانوں  کا گشت جاری ہے اور چوکیاں  بھی قائم کی گئیں ہیں۔

ڈھاکہ کے پولیس چیف نے رپورٹرز کو بتایا کہ جو بھی شخص ضروری کام کے علاوہ  گھر سے نکلے گا اس پر جرمانہ ہوگا اور اسے گرفتاری کا سامنا کرنا پڑ سکتا ہے۔

شفیق الاسلام نے کہا ، "اگر ہمیں ایک دن میں 5،000 مقدمات درج کرنے اور گرفتاریوں کی ضرورت ہے تو ہم کریں گے۔"

بنگلہ دیش میں لگ بھگ 900،000 انفیکشن اور صرف 14،500 سے زیادہ وائرس سے اموات کی اطلاع ملی ہے ، لیکن ماہرین کا کہنا ہے کہ ناقص اطلاع کی وجہ سے اصل تعداد زیادہ ہوسکتی ہے۔