حکومت کا ایف آئی اےمیں بڑے پیمانے پر ریفارمز لانے کا فیصلہ

حکومت نے ایف آئی اےمیں بڑے پیمانے پر ریفارمز لانے کا فیصلہ کرلیا۔ 
 ذرائع کا کہنا ہے کہ ایف آئی اے میں بڑے پیمانے پر افسران کو تبدیل کئے جانے پر غور کیا جا رہا ہے۔ایف آئی اے میں مبینہ کرپشن کی شکایات سمیت بے شمار شکایات کی روشنی میں فیصلہ کیا گیا۔  

ذرائع کا کہنا ہے کہ اس سلسلے میں اسلام آباد، لاہور، کراچی، خیبرپختونخوا میں تعینات افسران کی کارکردگی کا جائزہ لینا شروع کردیا گیا، بہت جلد ایف آئی اے میں کرپٹ افسران کو عہدے سے ہٹایا جائے گا۔  

سوشل میڈیا پر چلنے والی خبروں میں حقائق نہیں ہوتے، کوئی پاکستانی جائز طریقے سے بیرون ملک جاتا ہے تو خوشی ہوتی ہے۔ امیگریشن کاؤنٹر پر ہمیں تھوڑی سختی کرنی پڑ رہی ہے،  سختی سے لوگوں کو تھوڑی پریشانی ہو گی۔

واضح رہے کہ وفاقی وزیرِ داخلہ محسن نقوی نے گزشتہ روز کہا تھا کہ بہت جلد ایف آئی اے میں تبدیلی نظر آئے گی۔عوام کو پاسپورٹ کے اجرا کے لیے سہولت پہنچا رہے ہیں، نادرا اور پاسپورٹ حکام مل کر شہریوں کو سہولت فراہم کریں گے۔