مل کر پاکستان کو ایک پرکشش سیاحتی مقام بنا نا ہے ، یوسف رضا گیلانی

قائم مقام صدر مملکت سید یوسف رضا گیلانی نے کہا کہ مل کر پاکستان کو ایک پرکشش سیاحتی مقام بنا سکتے ہیں۔

یوسف رضا گیلانی نے کہا کہ پاکستان کے پہلے سکس سٹار ہوٹل بنانے پر موو این پک سینٹورس کو خراج تحسین پیش کرتا ہوں، اس طرح کے اقدامات سے ملک میں سیاحت کو فروغ ملے گا۔

قائم مقام صدر مملکت سید یوسف رضا گیلانی نے نجی ہوٹل کے ریسٹورینٹ کی افتتاحی تقریب سے خطاب کرتے ہوئے کہا کہ مجھے آج کے اس پر مسرت موقع پر بطور مہمان خصوصی مدعو کرنے پر سینٹورس انتظامیہ کا شکریہ ادا کرتا ہوں۔

یوسف رضا گیلانی نے کہا کہ پاکستان کا کلچر وسیع ہے، پاکستان کی ثقافت ایک الگ پہچان کی حامل ہے، پاکستان کے پکوان دنیا بھر میں مقبول ہیں، کھانوں میں ذائقہ ہے، ذائقہ لوگوں کے قریب لاتا ہے، فوڈ کلچرل ڈپلومیسی بہت اہمیت اختیار کر گئی ہے، اس طرح کے اقدامات سے باڈر پار بھی اثرات ہوتے ہیں۔

قائم مقام صدر مملکت نے کہا کہ پاکستان میں سیاحت کا بے پناہ اسکوپ موجود ہے، سینٹورس انتظامیہ کی سیاحت کے شعبے میں کاوشوں کو سراہتے ہیں، پاکستان پوری دنیا میں اپنے کھانے کی وجہ سے مشہور ہے۔