میکسیکوکے جنوبی علاقے میں المناک بس حادثہ،41 افراد ہلاک

میکسیکو کے جنوبی علاقے میں ایک افسوسناک بس حادثے میں کم از کم 41 افراد جاں بحق ہو گئے۔ ریاست تباسکو کی حکومت نے ایک بیان میں اس سانحے کی تصدیق کی ہے۔

کومالکالکو کے میئر اوویدیو پیرالٹا نے کہا کہ وفاقی اور ریاستی حکام متاثرین کی ہر ممکن مدد کے لیے قریبی رابطے میں ہیں۔

حکام کے مطابق، حادثے کا شکار ہونے والی بس میں 48 افراد سوار تھے، جو ایک ٹرک سے ٹکرا گئی۔ اس خوفناک تصادم کے نتیجے میں 38 مسافر اور دونوں ڈرائیور موقع پر ہی دم توڑ گئے۔

بس آپریٹر کمپنی ”ٹورز اکوسٹا“ نے واقعے پر گہرے افسوس کا اظہار کرتے ہوئے کہا کہ وہ حادثے کی وجوہات جاننے کے لیے حکام سے مکمل تعاون کریں گے۔

ریاستی حکومت کے سیکریٹری رامیریو لوپیز نے اعلان کیا کہ ہلاک شدگان کی شناخت اور مزید تفصیلات جلد فراہم کی جائیں گی۔

حادثے کی تحقیقات جاری ہیں۔