جنوری 2025 میں اوورسیزپاکستانیوں نےکتنے  ارب ڈالر کی ترسیلات زر بھیجیں؟رپورٹ جاری

کراچی:سال 2025 کے پہلے ماہ میں بیرون ملک مقیم (اوورسیز) پاکستانیوں نےکتنے ارب ڈالرکی ترسیلات زر ملک بھیجے اس حوالے سے رپورٹ جاری کرد ی گئی۔
بینک دولت پاکستان(اسٹیٹ پاکستان آف) کی جانب سے جاری کر دہ رپورٹ کے مطابق اس سال جنوری 2025 میں اوور سیز پاکستانیوں نے 3 ارب ڈالرز کی ترسیلات پاکستان بھیجیں،جو کہ گزشتہ سال جنوری 2024 کے مقابلے میں 25 فیصد زیادہ رقوم ہیں۔
اسٹیٹ بینک کے مطابق رواں مالی سال کے سات مہینوں کی ورکرز ترسیلات 20.8 ارب ڈالر رہیں، مالی سال کے سات مہینوں کی ورکرز ترسیلات مالی سال 2024 کے سات مہینوں سے 31.7 فیصد زائد رہیں۔
 اعلامیے کے مطابق جنوری 2025ء کے دوران ترسیلاتِ زر زیادہ تر سعودی عرب (728.3 ملین ڈالر)، متحدہ عرب امارات (621.7 ملین ڈالر)، برطانیہ (443.6ملین ڈالر) اور ریاست ہائے متحدہ امریکا (298.5  ملین ڈالر) سے آئیں۔
اعلامیے میں مزید کہا گیا ہےکہ اس شاندار اضافے کو معیشت کے لیے خوش آئند قرار دیا جا رہا ہے کیونکہ ترسیلاتِ زر زرمبادلہ کے ذخائر میں بہتری اور ملکی مالی استحکام میں اہم کردار ادا کرتی ہیں۔
خیال رہے کہ بانی پی ٹی آئی نے دسمبر 2024 میں بیرون ملک پاکستانیوں سے اپیل کی تھی کہ وہ احتجاجاً  ترسیلات زر ملک میں نہ بھیجیں۔