اقوامِ متحدہ نے حسینہ واجد کے مظالم پر مبنی تحقیقاتی رپورٹ جاری کر دی

اقوام متحدہ نے بنگلادیش کی سابق وزیراعظم شیخ حسینہ واجد کی حکومت کو انسانیت کے خلاف جرائم کا مرتکب قرار دیا ہے۔

غیر ملکی میڈیا رپورٹس کے مطابق اقوام متحدہ کا کہنا ہےکہ بنگلادیش کی سابق وزیراعظم شیخ حسینہ واجد نے اقتدار میں رہنے کے لیے انسانیت کے خلاف جرائم کیے۔

رپورٹ کے مطابق بنگلا دیش کی سابق حکومت انسانیت کیخلاف جرائم میں ملوث رہی ہے سابق وزیر اعظم شیخ حسینہ نےمظاہرین کیخلاف منظم کریک ڈاؤن کی نگرانی کی۔

اقوام متحدہ کی فیکٹ فائنڈنگ رپورٹ میں کہا گیا ہےکہ حسینہ واجد کی حکومت کے خلاف گزشتہ سال بنگلادیش میں طلبہ نے ملک بھر میں انقلابی احتجاج کیا جس پر شیخ حسینہ حکومت نے ایک منظم انداز میں کریک ڈاؤن کیا اور اس دوران سیکڑوں ماورائے عدالت قتل کیے گئے۔

یو این رپورٹ میں گزشتہ سال یکم جولائی سے 15 اگست تک بنگلادیش میں پیش آنے والے واقعات کا احاطہ کیا گیا ہے اور اس بنیاد پر اقوام متحدہ کے انسانی حقوق دفتر کا کہنا ہےکہ ان کے پاس یہ بات کہنے کی معقول وجوہات موجود ہیں کہ شیخ حسینہ حکومت انسانیت کے خلاف جرائم، قتل، تشدد، قید و بند اور بہت سے انسانیت سوز اقدامات میں ملوث رہی ہے۔

جرائم میں بنگلا دیشی سیکیورٹی اور انٹیلی جنس سروسز بھی ملوث رہیں۔ مظاہرین اور دیگر شہریوں کےخلاف وسیع پیمانے پر اور منظم حملے کیے گئے۔

بھارت فرارشیخ حسینہ کیخلاف بنگلہ دیش میں وارنٹ گرفتاری جاری ہو چکے ہیں۔ بنگلا دیش میں حکومت مخالف مظاہروں میں 45 دنوں میں 1400 افراد مارے گئے تھے۔

اقوام متحدہ کی رپورٹ میں کہا گیا ہے کہ بنگلا دیش کی فورسز نےشیخ حسینہ کی حکومت کی حمایت کی تھی، شیخ حسینہ حکومت نےمنظم طریقےسےاحتجاج کودبانےکی کوشش کی تھی۔