سندھ حکومت کا کورونا لاک ڈاؤن میں مزید نرمی کرنے کا فیصلہ

تفصیلات کے مطابق محکمہ داخلہ سندھ نے کورونا ایس او پیز کا نیا حکم نامہ جاری کردیا گیا جس کے تحت  کاروباری مراکز رات 10 بجے تک کھولنے کی اجازت دی جائے گی،بیکریاں اور دودھ کی دکانیں رات 12 بجے تک کھولی جاسکتی ہے ۔

پیٹرول پمپ، میڈیکل اسٹورز، دیگر ضروری اشیاء کے کاروبار 24 گھنٹے کھولنے کی اجازت ہوگی، جبکہ ریسٹورنٹ  میں انڈور اور آوٹ ڈور ڈائنگ کی اجازت ہوگی۔

کورونا ایس او پیز حکم نامے کے مطابق ویکسین لگوانے والے افراد ہی ان ڈور ڈائن ان کی سہولت حاصل کرسکیں گے۔ہوٹلز اور ریسٹورنٹس انتظامیہ ویکسی نیشن سرٹیفکیٹ چیک کرنے کا لائحہ عمل بنائے، جبکہ ٹیک اوے سروس چوبیس گھنٹے تک اجازت ہوگی۔

آوٹ ڈور شادی کی تقاریب میں 400 افراد کی اجازت ہوگی  اور انڈور شادی کی تقاریب میں 200 افراد بلانے کی اجازت ہوگی ۔مزارات پر آنے والے زائرین کو ایس او پیز پر عمل کرنا ہوگا ،سینما کو رات 1 بجے تک کھلے رکھنے کی اجازت ہوگی،سینما میں صرف ویکسین لگوانے افراد ہی آسکیں گے۔

حکم نامے کے تحت پارکوں کو 50 افراد گنجائش کے ساتھ کھول دیا گیا، کاروباری مراکز میں کام کرنے والے ملازمین کی کورونا ویکسینیشن لازمی قرار دے دی گئی اور اتوار کے روز سیف ڈے کے موقع پر کاروبار بند رہیں گا۔

جاری کیے گئے فیصلے کا اطلاق 31 جولائی تک ہوگا جس کے بعد  31 جولائی کو این سی او سی کے اجلاس میں مزید فیصلہ کیا جائے گا۔