پروازوں کی منسوخی ،سی اے اے کا غیر ملکی ایئر لائنز کو نوٹس

تفصیلات کے مطابق  سول ایوی ایشن (سی اے اے ) نے   5غیر ملکی ایئرلائنز کو نوٹس جاری کردیا ہے۔ قطر ایئر ویز ، ترکش ایئر لائن، امارات ایئر لائن ، اتحاد ایئر ویز اور فلائی دبئی کو نوٹس جاری کئے گئے ہیں ۔

ترجمان سی اے اے کا کہنا ہے کہ  متاثرہ مسافروں کو رہائش کھانے اور مالی نقصان  کی صورت میں  تکلیف اور ذہنی تناؤ کا سامنا کرنا پڑ رہا ہے، ائیر لائینز پاکستان آنے والے مسافروں کے لیے جلد از جلد پرواز اور رہائش کی سہولت کو یقینی بنائیں ۔

ترجمان سی اے اے کے مطابق  مسافروں کو ٹکٹوں کی رقوم کی واپسی اور ہونے والے نقصانات کے ازالے کو معاوضے کی صورت میں یقینی بنایا جائے  گا، سول ایوی ایشن اتھارٹی نے غیر ملکی ائیر لائنز کو 8 جولائی تک مسافروں کے تمام مسائل حل کرنے کی مہلت دے دی۔ سول ایوی ایشن اتھارٹی ان ائیر لائنز کے خلاف سخت تادیبی کاروائی کا حق رکھتی ہے۔