گجرات میں آندھی اور طوفانی بارش نے تباہی مچادی

تفصیلات کے مطابق  شہر میں تیز آندھی اور طوفانی بارش سے چھتیں  ، سائن بورڈ اور درخت گر نے  کے واقعات میں  6 افراد جاں بحق ہوگئے۔ جاں بحق افراد  میں 2مرد اور 4 خواتین  شامل ہیں۔

ریسکیو ذرائع کے مطابق لاری اڈا میں سائن بورڈ گرنے سے ایک شخص جاں بحق جبکہ گرین ٹاؤن  کے علاقے میں درخت گرنے سے ایک خاتون جان کی بازی ہار گئیں ۔ مچھلی چوک پر سائن بورڈ گرنے سے خاتون سمیت 2 افراد جاں بحق ہوگئے جبکہ سیشن کورٹ روڈ پر مکان کی دیوار گرنے سے 2 بچیاں  جاں بحق ہوگئیں ۔

  بارش کےباعث سڑکوں اور نشیبی علاقوں میں پانی جمع ہوگیا اور لوگوں کو پریشانی کا سامنا کرنا پڑا۔ علاوہ ازیں لاہور ، گوجرانوالہ ،  جہلم سمیت پنجاب کے مختلف شہروں میں موسلادھار بارش کے بعد کئی علاقوں میں فیڈرز ٹرپ کرگئے جس سے بجلی کی فراہمی متاثر ہوئی ہے۔