خلیجی ممالک میں پھنسے پاکستانیوں کے لیے خوشخبری

نجی ٹی وی کے مطابق پی آئی اے کے ترجمان  کاکہناہے کہ دوحا سے پاکستانیوں کی واپسی کے لیے چار پروازیں لگادی گئی ہیں جب کہ مزید دو پروازیں بھیجنے ک ابھی پلان بنایا جارہاہے ۔بتایا گیا ہے کہ بحرین کے لیے اضافی گنجائش والے طیارے استعمال کیے جائیں گے ۔ دوسری جانب  سی اے اے نے پاکستان آنیوالی  غیر ملکی ایئرلائنز کی  پروازوں منسوخی کا نوٹس لے کر 5غیر ملکی ایئرلائنز کو نوٹسز جاری کردیے ہیں ۔

یہ بھی پڑھیں : اس بار ہوائی اڈے نہیں دیں گے ، آرمی چیف جنرل قمر جاوید باجوہ

 سول ایوی ایشن اتھارٹی ( سی اے اے ) نے  قطر ایئر ویز ، ترکش ایئر لائن،امارات ایئر لائن ، اتحاد ایئر ویز ، فلائی دبئی کو نوٹس جاری کیے ہیں ۔ سی اے اے کے ترجمان کا کہناہے کہ مسافروں کو رہائش، مالی نقصان  کی صورت میں   ذہنی تناؤ کا سامنا کرنا پڑ رہا ہے۔ ایئر لائنز مسافروں کے لیے جلد از جلد پرواز اور رہائش کی سہولت کو یقینی بنائیں ۔ مسافروں کوٹکٹوں کی رقوم کی واپسی، نقصان  کے ازالے کو معاوضے کی صورت میں یقینی بنایا جائے ۔

یہ بھی پڑھیں :موٹر وے پر سفر کرنے والوں کیلئے نہایت بری خبر

ترجمان کا مزید کہناتھاکہ غیر ملکی ایئر لائنز کو 8 جولائی تک مسافروں کے تمام مسائل حل کرنے کی مہلت دی ہے ۔ سول ایوی ایشن اتھارٹی ان ایئر لائنز کے خلاف سخت تادیبی کارروائی کا حق رکھتی ہے۔