شیخوپورہ میں تیز رفتار ٹرک کی موٹر سائیکل کو ٹکر ، 3 افراد جاں بحق

شیخوپورہ میں تیز رفتار ٹرک نے موٹرسائیکل کو ٹکر مار دی جس کے نتیجے میں سوار 3 افراد جاں بحق ہو گئے ۔
 تفصیلات کے مطابق واقعہ شیخوپورہ کے علاقے فاروق آباد میں پیش آیا جہاں ٹرک کی ٹکر سے موٹرسائیکل سوار3 افرادجاں بحق ہو گئے۔ ریسکیو ذرائع کے مطابق واقعے میں سڑک پر چلنے والے 2گھوڑے بھی ہلاک ہوگئے جو ہلاک ہونے والے افراد کے ہی تھے۔  
دوسری جانب پولیس کا کہنا ہے کہ حادثے کے بعدٹرک ڈرائیورفرار ہوگیا جس کی تلاش جاری ہے۔