قومی ایئر لائن کو نجکاری کیلئے دوبارہ لائیں گے،وزیرِ خزانہ

اسلام آباد:وفاقی وزیر ِ خزانہ محمد اورنگزیب نے کہا ہے کہ پی آئی اے کو نج کاری کیلئے دوبارہ لائیں گے۔
پاکستان بینکنگ سمٹ سے خطاب میں ان کا کہنا تھا کہ بینکنگ سیکٹر کا قومی معیشت میں اہم کردار ہے، پاکستان بینکنگ سمٹ 2025ء اہمیت کا حامل ہے،انہوں نے کہا کہ ہم نے حکومت کو 30 ارب روپے جمع کر کے دیے ہیں۔
اپنے خطاب میںوزیر خزانہ نے کہا کہ تیل و گیس کے شعبے کو بینکنگ سیکٹر نے پیچھے چھوڑ دیا ہے،ان کا کہنا تھا کہ ایف بی آر کا کام ٹیکس جمع کرنا ہو گا، ٹیکس پالیسی بنانا وزارتِ خزانہ کا کام ہو گا۔
 گزشتہ روز وزیر خزانہ کا کہنا تھا کہ ایف بی آر میں اصلاحات جاری ہیں،اداروں میں اصلاحات کے لئے کوشاں ہیں،ہم اصلاحات کے معاملے پر پیچھے نہیں ہٹیں گے، انہوں نے کہا کہ مسلسل خسارے کو دیکھ کر فیصلے کررہے ہیں۔
وزیر خزانہ کا کہنا تھا کہ ریفارمز اور پرائیویٹائزیشن ہی ملک کے لئے درست سمت ہے، ہمیں مستحکم گروتھ کی طرف جانا ہے، وزیرخزانہ محمد اورنگزیب نے کہا کہ نجکاری سے بہت سے دیگر شعبوں میں ترقی ممکن ہو گی۔
انہوںنے مزید کہا کہ پبلک پرائیویٹ سیکٹر میں روزگار کے مواقع پیدا کریں گے، انہوں نے کہا کہ ٹیکس کا بوجھ مسلسل تنخواہ دار طبقے پر ہے، جسے اب کم کرنا ہے۔