چیمپئنز ٹرافی :نیوزی لینڈ کا بنگلہ دیش کے خلاف ٹاس جیت کر فیلڈنگ کا فیصلہ

راولپنڈی:نیوزی لینڈ نے بنگلہ دیش کے خلاف ٹاس جیت کر فیلڈنگ کرنے کا فیصلہ کیا ہے۔
راولپنڈی کرکٹ سٹیڈیم میں کھیلے جارہے میچ میں بنگال ٹائیگرز کی کمان نجم الحسن شنٹو کے ہاتھوں میں ہے جبکہ بلیک کیپس کو مچل سینٹنر لیڈ کررہے ہیں۔
خیال رہے کہ دونوں ٹیمیں آج اپنا دوسرا، دوسرا گروپ میچ کھیلیں گی، پہلے میچ میں نیوزی لینڈ نے پاکستان کو شکست دی تھی جبکہ بنگلا دیش کو بھارت کے ہاتھوں شکست کا منہ دیکھنا پڑا تھا۔ 
پاکستان کی روایتی حریف بھارت سے شکست کے بعد سیمی فائنل تک رسائی کی امیدیں دوسری ٹیمو ں کی اگر مگر سے جڑ گئیں ہیں، اگر آج کے میچ میں نیوزی لینڈ بنگلہ دیش کو ہرا دیتا ہے تو پاکستان آفیشلی طور پر سیمی فائنل کی دور سے باہر ہو جائے گا۔
واضح رہے کہ گزشتہ روز دبئی میںکھیلے جانے والے میچ میں روایتی حریف بھارت نے پاکستان کو باآسانی چھ وکٹوں سے شکست دی تھی، جس کے بعد قومی ٹیم کی سیمی فائنل تک رسائی کے امکانات نہ ہونے کے برابر ہیں، گروپ اسٹیج میں قومی ٹیم کی یہ دوسری شکست ہے۔
دوسری جانب بھارت نے گروپ اسٹیج کے دو مییچز میں کامیابی حاصل کر کے سیمی فائنل تک رسائی حاصل کر لی ہے۔