معروف اداکارہ صابرہ سلطانہ بیماریوں سے نبرد آزما،حکومت سے مالی امداد کی اپیل کر دی

لاہور: پاکستان فلم انڈسٹری کی معروف اداکارہ صابرہ سلطانہ بیماریوں سے نبرد آزماہونے کے ساتھ ساتھ کسمپرسی کی زندگی گزارنے پر مجبور ہیں۔
 علاج پر بڑھتے ہوئے اخراجات نےاداکارہ کو مالی طور پر بہت پریشان کر رکھا ہے،، لاہور کے علاقے فیروز پور ،نصیر آباد میں رہائش پذیر اداکارہ صابرہ سلطانہ ساٹھ کی دہائی کی کامیاب اور خوب صورت ترین اداکارہ تھیں۔
صابرہ سلطانہ نے ’انصاف‘،’ جمیلہ‘،’کنیز‘ اورا’ انسان ‘سمیت کئی یادگار فلموں میں  اداکاری کے جوہر دکھائے ، انہیں ملکہ حسن بھی کہا جاتا تھا۔ 

 اس اداکارہ سے متعلق مشہور ہے کہ یہ اداکارہ اپنے دور میں اس قدر پہچان رکھتی تھیں کہ ایک پرستار نے انہیں اپنے خون سے خط لکھا، وقت گزرتا گیا  انڈسٹری تباہی کے دہانے پرپہنچی تو صابرہ سلطانہ سمیت کئی نامور اداکاروں کو بھلا دیا گیا۔
صابرہ سلطانہ آج کل لاہور میں رہائش پذیر ہیں ان کی مالی حالت انتہائی مخدوش ہے۔
اداکارہ صابرہ سلطانہ کئی امراض میں مبتلا ااس وقت حکومتی امداد کی منتظر ہیں،علاج معالجے پر خطیر رقم خرچ ہونے کے باعث مالی حالات انتہائی خراب ہیں۔