بھارت کے ہاتھوں عبرتناک شکست، گورنر کا قومی ٹیم کو معطل کرنے کا مشورہ

لندن:بھارت کے ہاتھوں ملنے والی عبرتناک شکست اور پھر چیمپئینز ٹرافی سے باہر ہونے پر گورنر سندھ کامران ٹیسوری نے کہا ہے کہ اگر ٹیم کو بہتر بنانے کی ضرورت ہو تو اسے ایک سال تک معطل کر دینا چاہیے۔
کامران ٹیسوری کا کہنا تھا کہ اچھی کرکٹ ٹیم تنقید سے نہیں بلکہ اچھے فیصلوں سے بنتی ہے۔
گورنر سندھ کامران ٹیسوری نے اپنے دورہ برطانیہ کے دوران میں لندن میں پریس کانفرنس کے دوران پاک افواج پر تنقید کرنے والوں سے متعلق بات کرتے ہوئے کہا کہ ایسے افراد ملک دوست نہیں ہو سکتے۔
اپنے برطانیہ کے دورے کے حوالے سےپوچھے گئے ایک سوال کے جواب میں کامران ٹیسوری کا کہنا تھا کہ وہ اپنی مرضی سے دورہ کر رہے ہیں اور چاہتے ہیں کہ اوورسیز پاکستانی اپنے وطن میں سرمایہ کاری کریں،انہوں نے مزید کہا کہ آج تک ان پر کرپشن کا کوئی الزام نہیں لگا۔