اقوام متحدہ میں پاکستان کا امن مشنوں میں اقوام متحدہ پولیس کا کردار مضبوط بنانے کا مطالبہ

اقوام متحدہ میں پاکستان نے امن مشنوں میں اقوام متحدہ پولیس کا کردار مضبوط بنانے کا مطالبہ کیا ہے۔

اقوام متحدہ میں پاکستان کے مستقل مندوب منیر اکرم نے اپنے بیان میں کہا کہ امن کارروائیوں میں پولیس کو پیچیدہ اور غیر روایتی خطرات سے نمٹنے کے قابل بنانے کی ضرورت ہے۔

ان کا کہنا تھا کہ پاکستان نے ہیٹی' دارفر' مشرقی تیمور اور آئیوری کوسٹ میں اقوام متحدہ کی امن کارروائیوں میں دیرینہ شراکت دار کے طور پر پچاس پولیس یونٹس تعینات کئے ہیں۔انہوں نے کہا کہ پاکستانی پولیس اہلکار اقوام متحدہ پولیس کے تحت اپنی پیشہ ورانہ صلاحیتوں اور عزم و استقلال کی وجہ سے جانے جاتے ہیں۔

انہوں نے اقوام متحدہ کی پولیس کو اس کی ذمہ داریاں پوری کرنے کیلئے جدید ٹیکنالوجی سے آراستہ کرنے کی ضرورت ہے۔انہوں نے کہا کہ اقوام متحدہ کے امن مشنوں میں پاکستان کا کردار انتہائی اہمیت کا حامل ہے۔