رمضان پیکج سے پاکستان بھر کے لاکھوں نادار خاندانوں کو ریلیف حاصل ہو گا ، وزیر اعظم

وزیراعظم کے بیس ارب روپے کے رمضان ریلیف پیکج کو ملک بھر کے لوگوں نے بڑے پیمانے پر سراہا ہے۔

توقع ہے کہ اس پیکج سے جو رمضان المبارک کے لئے سب سے بڑے پیکج میں شامل ہے۔

پاکستان بھر کے لاکھوں نادار خاندانوں کو ریلیف حاصل ہو گا ، پیکج کا مقصد تقریباً چالیس لاکھ مستحق خاندانوں کی مدد کرنا ہے جس سے تقریباً دو کروڑ افراد کو فائدہ حاصل ہو گا۔

اس پیکج میں گزشتہ سال کے سات ارب روپے کے امداد کے ایک سو چھیاسی فیصد کا نمایاں اضافہ کیا گیا ، سیاستدانوں، معاشی ماہرین، اساتذہ اور سول سوسائٹی کے ارکان نے حکومت کے اس اقدام کی بھرپور تائید کی ہے۔

اس اقدام سے قومی وحدت میں اضافہ ہو گا اور معاشرے کے کمزور طبقات معیار زندگی بہتر بنانے کے حکومتی عزم کا اظہار ہوتا ہے۔

کارکنوں، کسانوں، مزدوروں اور کم آمدنی والے ملازمین نے حکومت کا شکریہ ادا کیا ہے اور کہا ہے کہ امداد سے ماہ مقدس کے دوران معاشی بوجھ کم کرنے میں مدد ملے گی۔

امدادی پیکج رمضان کے پہلے دس دنوں میں تقسیم کیا جائے گا ، ایک خاندان کو ڈیجیٹل والٹس کے ذریعے پانچ ہزار روپے دیئے جائینگے۔