گورنرخیبرپختونخوا کا صوبے میں گیس کی لوڈشیڈنگ کے خلاف وزیر اعظم کو خط

گورنرخیبرپختونخوا فیصل کریم کنڈی  نے صوبے میں گیس کی لوڈشیڈنگ کے خلاف وزیر اعظم محمد شہباز شریف کو خط  لکھا ہے ۔ 

تفصیلات کے مطابق فیصل کریم کنڈی نے  صوبہ بھرمیں رمضان المبارک میں بجلی و گیس کی لوڈ شیڈنگ پر وزیر اعظم سے فوری نوٹس لینے کا مطالبہ کیا ہے۔  

گورنر کے پی کے نے اپنے خط  میں کہا ہے کہ  رمضان المبارک میں خیبر پختونخوا کے عوام بجلی و گیس کی لوڈشیڈنگ سے سخت پریشان ہیں، سحری و افطاری اوقات میں بجلی و گیس کا کم پریشر سے متعدد اضلاع میں بجلی و گیس میسر نہیں آ رہی ہے۔  

بطور وزیر اعظم آپکی جانب سے بجلی اور گیس کی عدم لوڈ شیڈنگ کے اعلان پر عمل نہیں کیا جارہا ہے، ماہ رمضان کا تقدس اس بات کا تقاضا کرتا ہے کہ شہریوں کو پر سکون ماحول فراہم کیا جائے ۔   

انہوں نے کہا  کہ خیبرپختونخوا وافر مقدار میں بجلی اور قدرتی گیس پیدا کرنے والا صوبہ ہے، ہمارے وسائل سے پیدا بجلی اور گیس سے ہمارے صوبہ کے عوام کو رکھا جارہا ہے۔