ہفتہ وار مہنگائی کی شرح میں 0.09 فیصد کی کمی ریکارڈ

ملک میں ہفتہ وار مہنگائی کی شرح میں 0.09 فیصد کی معمولی کمی ریکارڈ  کی گئی ہے۔

ادارہ شماریات کی جاری کردہ ہفتہ وار رپورٹ میں بتایا گیا کہ ایک ہفتے کے دوران 13 اشیائے ضروریہ کی قیمتوں میں اضافہ، 20  اشیا کی قیمتوں میں کمی اور 18 کی قیمتوں میں استحکام رہا۔

ادارہ شماریات کی جانب سے ہفتہ وار بنیادوں پر مہنگائی کے اعداد و شمار جاری کر دیے گئے ہیں جس کے مطابق مہنگائی بڑھنے کی سالانہ شرح 0.87 فیصد کی سطح پر آگئی ہے۔

ایک ہفتے کے دوران کیلے 18 روپے فی درجن تک مہنگے ہوگئے، جبکہ چینی مزید 5 روپے مہنگی ہوکر فی کلو 162 روپے 64 پیسے فی کلو رہی۔

رپورٹ کے مطابق ایک ہفتے کے دوران ایل پی جی کا گھریلو سلنڈر 83 روپے 25 پیسے، انڈے فی درجن 7 روپے 23 پیسے، مٹن 6 روپے 56 پیسے، 20  کلو آٹے کا تھیلا 3 روپے 91 پیسے، اور بیف 50 پیسے تک مہنگا ہوا ہے ،  ایک ہفتے میں پیاز 4 روپے 95 پیسے، ٹماٹر 2 روپے، آلو 2 روپے، دال ماش 4 روپے، باسمتی ٹوٹا چاول 3 روپے تک سستے ہوئے ہیں، جبکہ تازہ دودھ، دال مونگ اور دہی بھی سستی ہونے والی اشیا میں شامل ہیں۔

ایک ہفتے میں پیاز 4 روپے 95 پیسے، ٹماٹر 2 روپے تک سستے ہوئے ، ادارہ شماریات نے بتایا کہ کپڑے، گڑ ، سگریٹ اور چاول بھی مہنگی ہونے والی اشیا میں شامل ہیں۔