پاک بحریہ کی جانب سے آزاد کشمیر کے مختلف علاقوں میں میڈیکل کیمپ کا انعقاد

تفصیلات کے مطابق میڈیکل کیمپ میں ملحقہ علاقوں میں رہنے والے ہزاروں مریضوں کو مفت طبی معائنے، سرجری اور ادویات کی سہولیات فراہم کی گئیں۔ میڈیکل کیمپ میں دیگر مہلک امراض خصوصا کورونا وائرس سے بچاؤ کے متعلق بھی  آگاہی دی گئی ہے۔

ترجمان پاک بحریہ کے مطابق میڈیکل کیمپ کے انعقاد کا مقصد کشمیری عوام کو مختلف بیماریوں کی وجوہات، احتیاطی تدابیر اور بچاؤ کے متعلق آگاہی دینا ہے۔ پاک بحریہ مختلف مواقع پر مسلہ کشمیر کو اجاگر کرنے کے ساتھ ساتھ کشمیری بھائیوں کی فلاح و بہبود کے لیے  بھی سرگرم ہے۔

کشمیری عوام نے پاک بحریہ کی جانب سے میڈیکل کیمپ کے انعقاد اور انسانی ہمدردی کے جذبے کو سراہا ہے۔