ایک روز کے اضافے کے بعد سونے کی قیمت میں نمایاں کمی،فی تولہ کتنے کا ہو گیا؟

کراچی:ایک روز کے اضافے کے بعد سونے کی قیمت میں نمایاں کمی ریکارڈ کی گئی۔
آل پاکستان جیمز اینڈ جیولرز ایسوسی ایشن کے مطابق آج ہفتے کے روز مقامی مارکیٹوں میں سونے کی قیمت میں ایک ہزار فی تولہ کمی ریکارڈ کی گئی ہے جس کے بعد سونا 3 لاکھ 6 ہزار روپے تولہ ہوگیا ہے۔
اسی طرح 10گرام سونے کی قیمت 858 روپے کم ہونے سے نئی قیمت 2 لاکھ 62 ہزار 345 روپے کی سطح پرپہنچ گئی۔
دوسری جانب عالمی مارکیٹ میں سونے کے نرخ 11ڈالر کم ہوئے جس کے بعد سونے کی فی اونس قیمت 2910 ڈالر ہو گئی۔
خیال رہے کہ گزشتہ روز سونے کی قیمت میں 3000 روپے کا اضافہ ہوا تھا۔