چیمپیئنز ٹرافی :فائنل میچ میں ٹاس کی کیا ضرورت، بھارتی کپتان سے پوچھ لیں، برطانوی اخبار کا طنز

دبئی:آئی سی سی چیمپیئنز ٹرافی میں بھارتی ٹیم کو ایک ہی وینیو دینے پر برطانوی اخبار نے آئی سی سی کو تنقید کا نشانہ بنا ڈالا۔
کئی نامورموجودہ اور سابق کرکٹرز کے بعد برطانوی میڈیا نے بھی بھارتی کرکٹ بورڈ اور آئی سی سی کو آڑے ہاتھوں لے لیا۔
برطانوی خبار ٹیلی گراف نے بھارت کو ایک ہی گراؤنڈ کا ایڈوانٹیج دینے پر تنقید کی۔
اخبار نےطنز کرتے ہوئے لکھا کہ چیمپیئنز ٹرافی کے فائنل کا ٹاس کرنے کی کیا ضرورت ہے، بھارتی کپتان سے پوچھ لیں کہ وہ بیٹنگ کریں گے یا باؤلنگ۔
رپورٹ میں ٹیلی گراف نے آئی سی سی کو بھی تنقید کا نشانہ بنایا اور کہا کہ ٹورنامنٹ کے دوران ٹیموں کو دو ملکوں کے درمیان ہزاروں کلومیٹر سفر کرنا پڑا لیکن بھارتی ٹیم کو اس کی زحمت نہیں اٹھانا پڑی،اور اس کو سارے کے سارے میچ ایک ہی گراؤنڈ دبئی میں کھیلا کر فائدہ پہنچایا گیا،یعنی عملاً اس نے صفر کلومیٹر فاصلہ طے کیا،
 جبکہ نیوزی لینڈ نے سب سے زیادہ یعنی 7048 کلومیٹر سفر کیا۔
گزشتہ روز پریکٹس سیشن کے بعد پریس کانفرنس کرتے ہوئے کیوی کپتان مچل سینٹنر نے بھی کہا کہ بھارت کو دبئ میں ہوم گراؤنڈ جیسا ایڈوانٹیج حاصل ہے۔