حکومت پیٹرول کی قیمت میں 50 روپے فی لیٹر کمی کا فوری اعلان کرے، امیر جماعت اسلامی

امیر جماعت اسلامی حافظ نعیم الرحمان نے کہا کہ حکومت پیٹرول کی قیمت میں کم از کم 50 روپے فی لیٹر کمی کا فوری اعلان کرے۔

امیر جماعت اسلامی حافظ نعیم الرحمان  نے کہا کہ عالمی مارکیٹ میں خام تیل کی قیمتوں مسلسلہ کمی ہو رہی ہے، گذشتہ 50 دنوں کے اندر 12 ڈالرز فی بیرل سے زائد کی کمی ہوئی ہے۔

حافظ نعیم الرحمان نے کہا کہ پیٹرولیم لیوی کو فی الفور ختم ہونا چاہیے، عالمی منڈی میں قیمتوں میں ایک ڈالر اضافے سے قیمتیوں میں اضافہ کر دیا جاتا ہے، قیمتوں میں مسلسل کمی کا عوام کو فائدہ ملنا چاہیے۔

انہوں نے کہا کہ مہنگائی نے رمضان میں عوام کی کمر توڑ دی، وزیراعظم کے مہنگائی کم کرنے کے دعوے قوم کے ساتھ مذاق ہے۔

 ان کا یہ بھی کہنا تھا کہ قیمت 82 ڈالر سے کم ہوکر 69.3 ڈالر پر آگئی ہے، یہ قمیت اگست 2021 کی سطح ہے، حکومت نے پہلے ہی عوام پر  لیوی چارجز کا ناجائز بوجھ ڈالا ہوا ہے۔