سونے کی اونچی اڑان ،قیمت ملکی تاریخ کی بلند ترین سطح پر پہنچ گئی

کراچی:سونے کی قیمتوں میں ایک دفعہ پھر اضافہ ریکارڈ کیا گیا ہے جس کے باعث پاکستان اور بین الاقوامی مارکیٹ میں سونے کی قیمت تاریخ کی نئی بلند ترین سطح پر پہنچ گئی۔
آل پاکستان جیمز اینڈ جیولرز ایسوسی ایشن کے مطابق کاروباری ہفتے کے آخری روز ملک میں 24 گرام فی تولہ سونے کی قیمت میں 4700 روپے کا اضافہ دیکھا گیا ہے جس کے بعد فی تولہ قیمت 3 لاکھ ، 14 ہزار روپے ہو گئی۔
اسی طرح دس گرام سونے کی قیمت میں بھی 4030 روپےکا اضافہ ہوا ہے جس کے بعد ملک میں دس گرام سونے کی نئی قیمت 2 لاکھ ، 69 ہزار 204 روپےکی سطح پر پہنچ گئی ہے۔
سونے کےساتھ ساتھ چاندی کی قیمت میں بھی اضافہ ہوا ہے، فی تولہ قیمت 90روپے کے اضافے سے 3 ہزار 530روپے اور فی 10 گرام چاندی کی قیمت 77روپے کے اضافے سے 3 ہزار 26 روپے کی سطح پر آ گئی ہے۔
دوسری جانب امریکی ٹیرف اقدامات سےعالمی تجارت اورگولڈ مارکیٹ میں ہلچل مچ گئی ،عالمی منڈی میں فی اونس سونے کی قیمت 46 ڈالر بڑھ کر 2988 ڈالر پر جا پہنچی۔