افغانستان میں سب سے بڑا لوزربھارت ہے،وزیراعظم

وزیراعظم عمران خان نے گوادر میں میڈیاسے غیررسمی گفتگو کرتے ہوئے کہا کہ اس وقت خطے کی صورتحال کافی سنگین ہے۔لاہور  دھماکےمیں ملوث "را"کے ملوث ہونے کے واضح ثبوت ہیں۔اس وقت سب سے زیادہ بھارت مشکل سے دوچار ہے ، بھارت نے افغانستان میں اربوں ڈالر کی سرمایہ کاری کی ہے۔

وزیر اعظم نے کہا کہ افغانستان میں سب سے بڑا لوزربھارت ہے۔ امریکا افغانستا ن کے حوالے سے کنفیوژ ہے، امریکا کوکچھ سمجھ نہیں آرہا ہےکہ کیاکیاجائے۔

وزیر اعظم نے گوادر میں تقریب سے خطاب میں کہا کہ   ماضی میں ترقیاتی کاموں میں کئی علاقے پیچھے رہ گئے،گوادر منصوبے بلوچستان کوترقی کونئی منزل کی طرف لیکر جائیں گے،وزیراعلیٰ نےاچھی تقریرکی لیکن اگراردومیں کرتےتولوگ بہتراندازمیں سمجھتے۔

وزیراعظم کا کہنا تھا کہ 60کی دہائی میں پاکستان تیزی سےترقی کررہاتھا،اس وقت ہم رول ماڈل تھے،گوادرسےبلوچستان سمیت پورےپاکستان کوفائدہ ہوگا،پاکستان عظیم ملک بننےجارہاہے۔

وزیر اعظم عمران خان کا کہنا تھا کہ انٹرنیشنل ایئرپورٹ کی تعمیر سے گوادر براہ راست دنیا سے منسلک ہوجائےگا،بیرون ملک سرمایہ کاروں کی سہولت کاری کیلئے ون ونڈوآپریشن شروع کررہے ہیں،ہم نےایکسپورٹس پرکوئی توجہ ہی نہیں دی،ایک مخصوص سائیکل کی وجہ سے ملک کئی بار آئی ایم ایف کے پاس گیا، پاکستان کواب تک 20بار آئی ایم ایف جانا پڑا۔

وزیر اعظم نے خطاب میں کہا کہ 2200ایکڑ کازون کھولااور سرمایہ کاروں کودعوت دی،وفاق اور بلوچستان حکومت کی کوآرڈی نیشن بہت اچھی ہے، بلوچستان کیلئے 730ارب روپے کے ترقیاتی پیکیج کااعلان کیا،گوادر پاکستان کافوکل پوائنٹ ہے،گوادر میں 500بستروں پر مشتمل اسپتال بھی زیرتعمیر ہے،گوادر میں یونیورسٹی بنائی جارہی ہے۔گوادر میں مچھیروں کی بہتری کیلئے ایک زبردست پروگرام شروع کیا ہے،مائیکروفنانسنگ کے ذریعے گھروں کی تعمیر کیلئے سبسڈی دے رہے ہیں۔

وزیراعظم نے کہا کہ افغانستان میں امن کے خواہاں ہیں،کوشش ہے کہ افغانستان میں سیاسی حل نکلے۔خانہ جنگی ہوئی تو افغانیوں کے ساتھ ہمسایہ ممالک کو بھی نقصان ہو گا، ہمسایہ ممالک کی کوشش ہےافغانستان میں سیاسی سیٹلمنٹ ہو،ہماری کوشش ہے طالبان سے بھی بات کریں تاکہ افغانستان میں سیاسی سیٹلمنٹ ہو،ایران کے صدرسے بھی افغانستان کے معاملے پر بات کی ہے۔